काठमाडौं । पहिलो संस्करणको फ्रेन्चाइज फुटबल प्रतियोगिता नेपाल सुपर लिग (एनएसएल) को लिग चरणका खेलहरू समाप्त भएका छन् । 

आइतबार भएको लिग चरणको अन्तिम खेलमा काठमाडौं रेजर्स एफसी चितवनलाई पराजित भएको हो । काठमाडौंले शीर्ष स्थानमा रहदै एनएसएलको प्ले अफमा प्रवेश हो ।

काठमाडौंले एफसी चितवनलाई २–१ गोल अन्तरले पराजित गर्दै प्ले अफमा पुग्यो । त्रिपुरेश्वरस्थित दशरथ रंगशालामा काठमाडौंलाई जित दिलाउन मेसौके ओलोमोउ र संजोक राईले एक–एक गोल गरे ।

चितवनका राजिब लोप्चनले एक गोल फर्काए । खेलमा काठमाडौंका तेज तामाङ प्लेयर अफ दी म्याच चुनिए । 

जितसँगै काठमाडौंले ६ खेलमा १३ अंक जोडेको छ । काठमाडौंले प्ले अफमा दोस्रो स्थानको धनगढीसँग खेल्नेछ । काठमाडौं र धनगढीबीचको खेल मंगलबार हुनेछ ।

दुबै टोलीबीच जित निकाल्ने टोली फाइलन प्रवेश गर्ने छ । यस्तै अर्को प्ले अफमा ललितपुर सिटीले बुधबार बुटवल एफसीसँग खेल्नेछ ।