काठमाडौँ । नेकपा माओवादी केन्द्रका प्रवक्ता नारायणकाजी श्रेष्ठले जनता समाजवादी (जसपा) ले निर्णय गर्नासाथ प्रधानमन्त्री केपी शर्मा ओलीको सरका विरुद्ध अविश्वासको प्रस्ताव दर्ता हुने बताएका छन् ।

आजको स्थायी कमिटी बैठकको निर्णय सुनाउँदै उनले नेपाली कांग्रेस अविश्वासको प्रस्ताव लैजान तयार भएको तर जसपाले भने निर्णय गरिनसकेको बताए । 

"जसपा तयार हुनासाथ अविश्वासको प्रस्ताव ल्याउँछाैँ । अब निर्णय लम्बिनु हुँदैन् । हामी प्रतिक्षामा छौं । नयाँ सरकार बनाउन पार्टीले पहल गरिरहेका छौँ," उनले भने ।