काठमाडौं । इन्डियन प्रिमियर लिग (आईपीएल) टी–ट्वान्टी क्रिकेट अन्तर्गत आज (शक्रबार) पन्जाब किङ्सले मुम्बई इन्डियन्ससँग प्रतिस्पर्धा गर्दैछ । 

एम चिदामबर्मा क्रिकेट स्टेडियममा हुने दुई टोलीबीचको खेल नेपाली समयअनुसार साँझ ७ः४५ बाट सुरु हुनेछ । 

आजको खेलमा मुम्बई जित निकाल्दै आफूलाई तालिकाका बलियो बनाउने योजनामा रहेको छ । लिगमा ४ खेल खेलेको मुम्बई ४ अंक सहित तालिकाको चौथो स्थानमा रहेको छ । 

मुम्बईले लिगमा चार खेल खेल्दै दुई खेलमा जित निकालेको छ । यता पन्जाब पनि लिगमा दोस्रो जितको खोजिमा हुनेछ । 

पन्जाबले लिगमा ४ खेल खेलेर २ अंक जोडेको छ । पन्जाब दुई खेलमा पराजित भएको छ । पहिलो सिजन खराव प्रदर्शन गरेको पन्जाब यो सिजन उत्कृष्ट प्रदर्शन गर्दै लिग जित्ने योजनामा छ ।