काठमाडौं । प्रिमियर लिग क्लब आर्सनल युरोपा लिग फुटबलको सेमिफाइनलमा प्रवेश गरेको छ । बिहीबार राति क्वाटरफाइनलको दोस्रो लेगमा स्लाभिया प्रागलाई ४–० गोल अन्तरले पराजित गर्दै आर्सनल अन्तिम चारमा प्रवेश गरेको हो । 
आर्सनलले समग्रमा ५–१ को जितसहित आर्सनल सेमिफाइलनमा प्रवेश गर्यो । आर्सनलले पहिलो लेगमा १–१ गोलको बराबरी खेलेको थियो । आर्सनललाई जित दिलाउन एलेक्स्जेन्ड्रा लाकाजेटले दुई गोल गरे । निकोलस पेपे र बोकायो साकाले एक एक गोल गरे । 

खेलको १८ औं मिनेटमा पेपेले गोल गर्दै आर्सनललाई अग्रता दिलाएका थिए । २१ औं मिनेटमा लाकाजेटले पेनाल्टीमा आर्सनलको गोल अग्रता दोब्बर पारे । २४ औं मिनेटमा साकाले गोल गर्दै टिमको अग्रता ३–० को बनाए ।

७७ औं मिनेटमा लाकाजेटले व्यक्तिगत दोस्रो गोल गर्दै आर्सनललाई ४–० को जित दिलाए ।

अब आर्सनलले सेमिफाइनलमा स्पेनिस क्लब भिल्लारियलसँग खेल्नेछ ।