काठमाडौं । इन्डिय प्रिमियर लिग (आईपीएल) अन्तर्गत आज (सोमबार) राजस्थान रोयल्सले किङ्स इलाभेन पन्जाबसँग प्रतिस्पर्धा गर्दैछ । अन्खाडे क्रिकेट स्टेडियमा हुने दुईटोलीबीचको खेल नेपाली सयम अनुसार साँझ ७ः४५ मा सुरु हुनेछ । आजको खेलमा दुबै टोली जित निकाल्दै प्रतियोगितामा सहज सुरुवात गर्ने योजनामा छन् ।
सन्जु श्यमसनको कप्तानीमा मैदान उत्रने राजस्थान आजको खेलमा आफूले उत्कृष्ट प्रदर्शन गर्दै प्रतियोगितामा बलियो सावित हुने योजनामा हुनेछ ।
राजस्थानलाई जोस बट्लर, जोफ्रा आर्चर, डेभिड मिलन, वेन स्टोक, राहुल तेवातीया जस्ता खेलाडीको साथ हुनेछ ।
स्टिभ स्मिथले कप्तानी गर्ने राजस्थानको यो सिजन सन्जु श्यामसनले कप्तानी गर्नेछन् । राजस्थानले स्मिथलाई यो सिजन मात्र रिलिज गरेको थियो ।
यता, केएल राहुलको कप्तानीमा रहेको पन्जाब आजको खेलमा जित निकाल्दै प्रतियोगिताको सुखद सुरुवात गर्ने योजनामा छ । गत सिजन कमजोर भएको पन्जाब अन्तिम खेलहरुमा बलियो देखिएको थियो ।
पन्जाबलाई निकोलस पुरान, क्रिस जार्डान, डेभिड मलान, क्रिस गेल, जेय रिजर्डसनको साथ हुनेछ । रिचर्डसन यो सिजन आईपीएलको प्रि–अक्सनमा सर्वाधिक मूल्यमा बिक्ने खेलाडीको सूचिमा छन् ।
