काठमाडौं । स्वास्थ्य तथा जनसंख्या मन्त्रालयले कोभिड बिमा भुक्तानीका लागि सात दिनभित्र सही विवरण केन्द्रीय प्रयोगशाला तथा स्वास्थ्य सेवा विभागमा पठाउन सम्बन्धित सबैलाई निर्देशन दिएको छ ।

मन्त्रालयले हालसम्म प्राप्त भएको १८ हजार विवरणमध्ये १५ हजार व्यक्तिको मात्रै प्रमाणित भएकाले बाँकी विवरण सात दिनभित्र पठाउन प्रयोगशालाहरुलाई निर्देशन दिएको छ । कोभिड १९ संक्रमण भएको मितिलगायतका सम्पूर्ण विवरण पुष्टि नभएसम्म बिमा रकम भुक्तानी नगर्ने मन्त्रालयले जनाएको छ ।

त्यस्तै आजदेखि केन्द्रीय प्रयोगशालामा नियमित रिपोर्टिङ नगर्ने तथा गलत विवरण पठाउने प्रयोगशालाहरुलाई नियमअनुसार सम्बन्धन खारेजीसम्मको कारबाही गरिने मन्त्रालयले जनाएको छ ।