काठमाडौं । साविक विजेता युभेन्ट्स इटालियन सिरी ‘ए’ फुटबलमा पराजित भएको छ । आइतबार राति भएको खेलमा युभेन्ट्स इन्टर मिलानसँग २–० गोल अन्तरले पराजित भएको हो ।

घरेलु मैदानमा इन्टरलाई जित दिलाउन आर्टुरो भिडाल र निकोलो बारेल्लाले एक–एक गोल गरे ।

खेलको १२ औं मिनेटमा भिडालले गोल गर्दै टोलीलाई अग्रता दिलाएका थिए ।

पहिलो हाफमा एक गोल गरेको इन्टरले दोस्रो हाफमा थप एक गोल गर्न सफल भएको थियो । ५२ औं मिनेटमा निकोलोले गोल गर्दै इन्टरलाई २–० को जित दिलाए ।

जितसँगै इन्टरले शीर्ष स्थानको एसी मिलानसँग अंक बराबरी गरेको छ । दोस्रो स्थानमा रहेको इन्टरको ४० अंक छ । मिलानको पनि ४० अंक छ ।

युभेन्ट्स ३३ अंक जोडेर पाँचौ स्थानमा छ ।