काठमाडौं । प्रधानमन्त्री कप राष्ट्रिय पुरुष क्रिकेट प्रतियोगितामा विभागीय टोली नेपाल पुलिस क्लबले वाग्मती प्रदेशलाई ११२ रनको लक्ष्य दिएको छ ।

कीर्तिपुरस्थित त्रिवि क्रिकेट मैदानमा टस हारेर पहिले ब्याटिङ गरेको पुलिसले ३० ओभर ३ बलमा सबै विकेट गुमाउँदै १११ रन बनाउन सफल भयो । पुलिसका लागि कप्तान दीपेन्द्रसिंह ऐरी र आरिफ सेखले २१-२१ रन बनाए । त्यस्तै सुनील धमला र सुशल भुर्तेलले १७-१७ रनको योगदान गरे । 

बलिङतर्फ वाग्मती प्रदेशका लागि नन्दन यादवले सर्वाधिक चार विकेट लिए । त्यस्तै तिलक भण्डारीले पनि चार विकेट लिँदा रामनरेश गिरीले दुई विकेट लिए । 

प्रतियोगिताको पहिलो खेल खेलिरहेका दुवै टोली आजको खेलमा जित निकाल्दै प्रतियोगितामा सुखद सुरुवात गर्ने योजनामा छन् ।