काठमाडौं । लिग लिडर मिलानले इटालियन सिरी ‘ए’ फुटबलमा सहज जित निकालेको छ । शनिबार राति भएको खेलमा मिलानले टोरिनोलाई २–० गोल अन्तरले हराएको हो ।

घरेलु मैदानमा मिलानलाई जित दिलाउन राफेल लियो र फ्रान्क केस्सीले एक–एक गोल गरे । खेलको २५औँ मिनेटमा लियोले गोल गर्दै टोलीलाई अग्रता दिलाएका थिए ।

३६औँ मिनेटमा फ्रान्कले गोल गर्दै मिलानलाई २–० को जित दिलाए । जितसँगै मिलानले शीर्ष स्थानमा ४ अंकको अग्रता बनाएको छ ।

मिलानले १७ खेलमा ४० अंक जोडेको छ ।  पराजित टोरिनो १२ अंक जोडेर पुछारबाट दोस्रो स्थानमा छ ।