काठमाडौं । रियल मड्रिडले स्पेनिस लिगमा सहज जित निकाल्न सफल भएको छ । बुधबार राति भएको खेलमा रियलल सहज जित निकाल्दै शीर्ष स्थानको एट्लेटिको मड्रिडसँग अंक बराबरी गरेको हो । ग्रानाडाको घरेलु मैदानमा भएको खेलमा रियल ग्रानाडालाई २–० ले हराउँदै आफूलाई अंक तालिकामा बलियो बनाउन सफल भएको हो ।
लिग अन्तर्गत अब शीर्ष स्थानको एट्लेटिको र रियल मड्रिडको समान ३२ रहेको छ । एट्लेटिकोले रियल भन्दा दुई खेल कम समेत खेलेको छ । पहिलो हाफमा गोल रहित बराबरी खेलेको रियलले दोस्रो हाफमा दुई गोल गर्न सफल भएको हो । खेलको ५७ औं मिनेटमा कासमिरोले गोल गर्दै रियललाई अग्रता दिलाएका थिए ।
इन्ज्यूरी समयमा बेन्जिमाले गोल गर्दै रियललाई जित दिलाए । यस सिजन बेन्जिमाले ला लिगामा ८ गोल पूरा गरेका छन् ।
पहिलो हाफमा ब्राजिली विङ्गर रोड्रिगोले चोट बोकेका थिए । जितसँगै रियलको १५ खेलबाट ३२ अंक छ । यता शीर्ष स्थानको एट्लेटिकोको १३ खेलबाट ३२ अंक छ । पराजित ग्रानाडाको १४ खेलबाट २१ अंक छ । ग्रानाडा तालिकाको सातौ स्थानमा रहेको छ ।
