काठमाडौं । पछिल्लो समय बझाङकी १२ बर्षिया सम्झना कामीको बलात्कारपछि हत्या भएको घटना लिएर सामाजिक सन्जालहरुमा बहस एवं देशका विभिन्न भागमा विरोध प्रदर्शन भइरहेका छन् ।
काठमाडौंको माइतीघरलगायत १७ जिल्लाका जिल्ला प्रशासन र सातवटै प्रदेशका मुख्यमन्त्रीको कार्यालय अगाडि बिहीबार धर्ना एवं विरोध प्रदर्शन गरिएको छ ।
बझाङको मष्टा गाउँपालिकामा १२ वर्षीया सम्झनाको बलात्कारपछि हत्याका अपराधीलाई कडा कारबाही गर्नुपर्ने र दलित हिंसा बन्द गर भन्दै विरोध गरिएको हो ।
पछिल्लो समय नेपाली समाजमा महिला हिंसा र दलित समुदायमाथिका घटना एकपछि अर्को गर्दै बढिरहेको भन्दै मोर्चाको वाग्मती उपत्यका सम्पर्क समितिले विरोध तथा धर्ना गरेको महावीर विश्वकर्माले जानकारी दिए । प्रदर्शनमा सहभागीहरुले विभिन्न नारा अंकित प्लेकार्डसमेत बोकेका थिए । हेरौं काठमाडौंको माइतीघरमा बिहीबार गरिएको विरोध तथा धर्ना कार्यक्रमका थप तस्बिर :