तास्मेनिया । अस्ट्रेलियाको तास्मेनियाको समुद्री तटमा फसेका २७० ह्वेलमध्ये एक तिहाइ मरेका छन् । उद्धाकर्ताहरुले अझै धेरै मर्न सक्नेप्रति चिन्ता व्यक्त गरेका छन् ।
उक्त समुद्री तटमा सोमबार ह्वेलहरुको समूह फसेको थाहा भएको थियो । समुद्री जीवविज्ञहरु ह्वेलहरु बचाउनका लागि प्रयास गरिरहेका छन् ।
ह्वेलहरु कसरी समुद्रको तटसम्म पुगे भन्ने खुलेको छैन । सो क्षेत्रमा ह्वेलहरु समुद्री किनारमा बस्ने सामान्य हो । तर यति ठूलो संख्यामा एकै ठाउँमा ह्वेलहरु किनारमा आएको सन् २००९ यताको पहिलो घटना हो ।
तीन समूहमा ह्वेलहरु पाइएको र त्यहाँसम्म पुग्न निकै कठिन रहेको उद्धारकर्मीले बताएका छन्।
अहिलेसम्म ९० वटा ह्वेल मरिसकेको र उद्धार प्रयास चाँडो सम्पन्न गर्न नसकिए अरु पनि मर्न सक्ने भन्दै वैज्ञानिकले चिन्ता व्यक्त गरेका छन् ।
तास्मेनिया मेराइन कन्जर्भेसन प्रोग्रामका अनुसार २०० स्तनधारीहरु एक ठाउँमा, सय मिटरको दूरी ३० वटा र अन्य ३० वटा ओसन बिचमा भेटिएका थिए । - बीबीसी
