काठमाडौं । साताको अन्तिम दिन सेयर बजार परिसूचक नेप्से बढेको छ । नेप्सेको कारोबार व्यवस्थापन प्रणालीमा समस्या आएको भन्दै करिब साढे २ घण्टा कारोबार अवरुद्ध भए पनि नियमित समयभन्दा द्ई घण्टा ढिलासम्म खुलेको सेयर बजार दोहोरो अंकले बढेर बन्द भएको छ । 

प्रि ओपानिङ सेसनमा ५ अंकभन्दा बढीले बढेको नेप्से  बजार खुलेसँगै केही तल झर्ने संकेत गरेपनि खरिद चाप बढ्दा बजार उकालो लोगेको हो । १ बजे खुलेको नेप्सेमा सरुवातबाट नै कारोबारमा समस्या भएको ब्रोकहरुहरु बताउँछन् । तर करिब १२ बजेतिर पनि ब्रोकरले अर्डर हाल्न नमिलेको भन्दै नेप्सेले कारोबार रोकेको थियो । २ बजेर १५ मिनेट जाँदा समस्या समाधन भयो भन्दै ५ बजेसम्म बजार खोल्ने सूचना नेप्सेले वेबसाइटमा राखेको थियो । 

सवा दुई बजेपछि कारोबार पुन: सुचारु भएको बजारमा नेप्से बढ्ने क्रमले निरन्तरता पायो । २ बजेर ५० मिनेट जाँदा बिहीबारको उच्च बिन्दु १५३२.५६ अंक सम्म पुगेको नेप्से ३ बजेर १० मिनेटमा नै पुन: १५१५ अंकसम्म झरेको थियो । त्यसपछि सामान्य उकालो लागेर १२.४९ अंकले वृद्धि हुँदा १५२०.६९ अंकमा पुगेर यो साताको लागि सेयर बजार बन्द भएको छ । 

नेप्सेको कारोबार व्यवस्थापन प्रणालीमा समस्या देखिँदा सेयर लगानीकर्तामा पनि दिनभर जस्तो अन्योलता देखिएको थियो । जसले गर्दा बिहिबार बुधबारको तुलनामा कारोबार रकम पनि घटेको छ । बुधबार साढे २ अर्बभन्दा बढीको कारोबार भएको सेयर बजारमा बिहीबार १८९ कम्पनीको ४२ लाख ६२ हजार ६९८ कित्ता सेयर किनबेच हुँदा २ अर्ब १७ करोड ६८ हजार रुपैयाँका कारोबार भएको छ । 

कारोबार रकममा बिहीबार पनि नेपाल पुनर्बिमा कम्पनीले नेतृत्व गरेको छ । बजारमा कम्पनीको १७ करोड २१ लाख ७२ हजार रुपैयाँको कारोबार भएको छ । कारोबार रकममा नेपाल पुनर्बिमा कम्पनीलाई पछ्याउँदै  नागरिक लगानी कोष, नेपाल लाइफ इन्स्योरेनस, सुर्या लाइफ इन्स्योरेन्स र एभरेष्ट इन्स्योरेन्सले साथ दिएका छन् । 

यता बिहीबार राष्ट्रिय बिमा कम्पनी, एनआरएन इन्फ्रास्टक्चर एन्ड डेभलपमेन्ट कम्पनी र रिलायन्स लाइफ इन्स्योरेन्सको सेयर मूल्यमा पोजेटिभ सर्किट लागेको छ । यस्तै सवार्धिक कमाउने शीर्ष ५ कम्पनीमा एनआरएन लघुवित्त र एभरेष्ट इन्स्योरेन्स पनि अटाएका छन् । बुधबार पनि पोजेटिभ सर्किट लागेको राष्ट्रिय बिमा कम्पनीको सेयर मूल्यमा आज पनि पोजेटिभ सर्किट लागेको छ । 

यस्तै  तिव्र उतारतढाव देखिँदै आएको एनआरएन इन्फ्रास्टक्चरको सेयर मूल्यमा आज पुन पोजेटिभ सर्किट लागेको छ । भदौ १० गते नेप्समा कारोबार सुरु भएयता कम्पनीको सेयर मूल्यमा लगातर सर्किट लाग्दै आएको छ । यो साता ४ दिन लगातार नेगेटिभ सर्किट लागेको कम्पनीको मुल्यमा आज पाँचौं दिन पोजेटिभ सर्किट लागेको हो । यस्तै  यहि साता नेप्सेमा सूचिकृत भएर कारोबार सुरु भएको रिलायन्स लाइफको सेयर मूल्यमा पनि पोजेटिभ सर्किट लागेको छ । 

नबिल इक्युटी फन्ड, आशा लघुवित्त, साल्ट ट्रेडिङ कम्पनी, युनियन हाइड्रोपावर र मल्टिपर्पस फाइनान्सका लगानीकर्ता सवार्धिक गुमाउने शीर्ष ५ मा परेको छन् । बिहीबार व्यापार, होटल र म्युचुअल फन्ड समूहको सूचक घटको छ भने त्यसबाहेकका समूहको सूचकमा हरियाली देखिएको छ । निर्जीवन बिमाको सूचक सर्वाधिक ३.९ प्रतिशतले वृद्धि हुँदा जीवन बिमा, लघुवित्त र उत्पादन समूहको सूचक क्रमश २.१९, १.३१ र १.०९ प्रतिशतले बढेको छ । यस्तै  बैंकिङ समूहको सूचक ०.३२ प्रतिशतले बढेको छ ।