काठमाडौं । कोभिड १९ संक्रमण जोखिम कम गर्न सरकारले जारी गरेको लकडाउनको आज ६४ दिन पुगेको छ । 

गत चैत ११ देखि सरकारले लकडाउन गरेको हो । लामो समयसम्म लकडाउन हुँदा जनजीवन प्रभावित भएको छ । अत्यावश्यकबाहेक सबै सेवा ठप्प छन् । देशभर संक्रमितको संख्यामा वृद्धि भएसँगै सरकारले पनि लकडाउनलाई कडाइ गरेको छ । सरकारले जेठ २० गतेसम्मका लागि लकडाउन घोषणा गरेको छ ।

लामो समयदेखिको लकडाउनले जनजीवन प्रभावित बनेको छ । तर राजधानीकै केही स्थानमा भने सर्वसाधारणले लकडाउन उल्लंघन गरी घुमफिर भन्दै बाहिर निस्किएको देख्न सकिन्छ । केही ठाउँमा सडक खाली भन्दै साना बालबालिका पनि साइकल लिएर डुलिरहेको र अत्यावश्यक सामग्री पाइने पसलअघि सर्वसाधारणको भिड उस्तै छ ।

कोरोना भाइरसको संक्रमणबाट अहिलेसम्म चारजनाको मृत्यु भइसकेको अवस्थामा पनि सर्वसाधारणबाट लकडाउन उल्लंघन गरी हेलचेक्रयाइँ गर्नु गम्भीर हो । यसको मतलब सर्वसाधारणबाट जति हेलचेक्र्याइँ गरिन्छ कोरोना संक्रमणको जोखिम पनि उत्तिकै हुने पक्का छ । लकडाउन उल्लंघन गर्दै राजधानीमा सडकमा गुडेका सवारीसाधन तथा विभिन्न बहानामा घरबाहिर निस्किएका सर्वसाधारणका थप तस्बिर :