काठमाडौं । कोभिड १९ संक्रमण जोखिम कम गर्न सरकारले जारी गरेको लकडाउनको आज ६३ दिन पुगेको छ । 

गत चैत ११ देखि सरकारले लकडाउन गरेको हो । लामो समयसम्म लकडाउन हुँदा जनजीवन प्रभावित भएको छ । अत्यावश्यकबाहेक सबै सेवा ठप्प छन् । देशभर संक्रमितको संख्यामा वृद्धि भएसँगै सरकारले पनि लकडाउनलाई कडाइ गरेको छ । सरकारले जेठ २० गतेसम्मका लागि लकडाउन घोषणा गरेको छ ।

लामो समयदेखिको लकडाउनले जनजीवन प्रभावित बनेको छ । स्वास्थ्य तथा जनसंख्या मन्त्रालयका अनुसार नेपालमा (दिउँसो पौने १२ बजे) सम्म ६७५ जनामा कोरोना संक्रमण देखिएको छ । सोमबार मात्रै ७२ जना नयाँ संक्रमित भेटिएका छन् । काठमाडौं उपत्यकामा मात्रै आज तीनजनामा संक्रमण देखिएको छ । यस्तै रौतहटमा २६ र बारामा २३ जनामा आज संक्रमण देखिएको मन्त्रालयले जनाएको छ ।

यसैबीच काठमाडौंको कीर्तिपुरका किसान भने अहिले गहुँ काट्ने चटारोमा छन् । उनीहरू सामाजिक दूरी कायम गरी गहुँ भित्र्याउने तयारीमा लागेका हुन् । हेरौं थप तस्बिर :