काठमाडौं । पाकिस्तानमा शुक्रबार दिउँसो भएको विमान दुर्घटनाप्रति प्रधानमन्त्री केपी शर्मा ओली स्तब्ध भएका छन् । 

प्रधानमन्त्री ओलीले शुक्रबार साँझ ट्विटरमार्फत् आफू स्तब्ध भएको जनाएका हुन् । उनले ट्विटमा भनेका छन्, "आज पाकिस्तानमा विमान दुर्घटना भएको खबर सुनेर म साह्रै स्तब्ध भएँ । पाकिस्तान सरकार र आफन्त गुमाएका शोक सन्तप्त परिवारका सदस्यप्रति हार्दिक संवेदना ।"

प्रधानमन्त्री ओलीले उक्त विमान दुर्घटना घाइते भएकाहरुको शीघ्र स्वास्थ्य लाभको कामनासमेत गरेका छन् । 

लाहुरबाट चालक दलका आठ सदस्यसहित ९१ यात्रु बोकेर लाहुरबाट उडेको विमान पाकिस्तानी दक्षिणी सहर कराचीमा दुर्घटना भएको थियो । 

दुर्घटना अहिलेसम्म ११ जनाको मृत्यु भएको पुष्टि गरिएको छ भने एकजना बाँच्‍न सफल भएकोसमेत पुष्टि गरिएको छ । 

आवासीय क्षेत्रमा दुर्घटना भएका कारण मृत्यु हुनेको संख्या बढ्नसक्‍ने बताइएको छ । दुर्घटनाबाट चारवटा घरहरुमा पूर्णरुपमा क्षति भएको छ। 

<blockquote class="twitter-tweet"><p lang="en" dir="ltr">I am deeply shocked to hear the news about the plane crash in Pakistan today.<br>Heartfelt condolences to the government of Pakistan and the bereaved family members who lost their loved ones.<br>I wish for the speedy recovery of those injured.</p>&mdash; K P Sharma Oli (@kpsharmaoli) <a href="https://twitter.com/kpsharmaoli/status/1263824995580440579?ref_src=twsrc%5Etfw">May 22, 2020</a></blockquote> <script async src="https://platform.twitter.com/widgets.js" charset="utf-8"></script>