एजेन्सी । कुनै पनि खेलाडीको यो सपना हुन्छ कि एक दिन आफ्नो राष्ट्रका लागि खेलुँ । तर, यो अवसर सबैका लागि जुर्दैन । तर, कुनै खेलाडीलाई यो अवसर जुरे उसमाथि आफ्नो डेब्यु खेलमा उत्कृष्ट खेल प्रदर्शन गर्ने दबाब हुन्छ । 

१५ खेलाडी यस्ता छन् जसले आफ्नो एकदिवसीय क्रिकेट डेब्युमै सानदार शतक पूरा गरेका छन् । यस सूचीमा पाँच एसियाली खेलाडीसमेत छन् । 

आबिद अली
पाकिस्तानी क्रिकेटर आबिद अलीको नाम यस सूचीमा भर्खरै समावेश भएको हो । उनले मार्च २०१९ मा अस्ट्रेलियाविरुद्ध भएको ५ एकदिवसीय सिरिजका दौरान डेब्यु गर्दै शतक पूरा गरेका थिए । यूएईमा भएको उक्त सिरिजमा अस्ट्रेलियाले ३–० को अग्रता बनाएका बेला चौथो खेलमा आबिद र साद अलीले डेब्यु गर्ने मौका पाएका थिए । 

पाकिस्तानले टस जितेर पहिले फिल्डिङ गर्ने निर्णय गरेको थियो । ग्लेन म्याक्सवेल, उस्मान ख्वाजा र एलेक्स केरीको अर्धशतको मद्दतमा अस्ट्रेलियाले ५० ओभरमा ७ विकेट गुमाउँदै २७७ रन जोडेको थियो । 

जवाफी ब्याटिङ गर्न आबिद डेब्यु गर्दै ओपनर आएका थिए । उनले ११९ बलको सामना गर्दै ११२ रनको शतकीय पारी खेलेका थिए । जसमा उनका ९ चौका थिए । तर, उक्त खेल पाकिस्तान अस्ट्रेलियासँग ६ रनले पराजित हुन पुग्यो । 

इमाम उल हक
पाकिस्तानी खेलाडी इमाम उल हकले २०१७ मा एकदिवसीयमा डेब्यु गरेका थिए । यूएईमा भएको श्रीलंकाविरुद्धको पाँच खेलको एकदिवसीय सिरिजमा उनले डेब्यु गरेका हुन् । सुरुवाती दुई खेल जितेपछि कप्तान सरफराज अहमदले सिरिजको तेस्रो खेलमा इमामलाई डेब्यु गर्ने मौका दिएका थिए । 

पहिले बलिङ गरेको पाकिस्तानका लागि हसन अलीले पाँच विकेट लिएपछि श्रलिंका २०८ रनमा अलआउट भएको थियो । जवाफमा ओपनरमा डेब्यु गर्दै इमामले शतकीय पारी खेले । उनले १२५ बलमा शतक पूरा गरेका थिए ।

केएल राहुल
भारतीय क्रिकेटर केएल राहुल एकदिवसीय क्रिकेटमा डेब्यु गर्दै शतक बनाउने पहिलो र एकमात्र खेलाडी हुन् । अन्य कुनै पनि भारतीय क्रिकेटरले डेब्यु खेलमा शतक बनाउन सकेका छैनन् । 

राहुलले २०१६ मा जिम्बाब्बेविरुद्ध एकदिवसीय अन्तर्राष्ट्रियमा डेब्यु गरेका थिए । उक्त जिम्बाब्बेविरुद्ध डेब्यु गर्दै शतक बनाएका थिए । राहुलले अविजित शतकीय पारी खेल्दै भारतीय टिमलाई जित दिलाएका थिए । 

मार्क चेपम्यान
हाल न्युजिल्यान्डबाट खेलिरहेका मार्क चेपम्यानले आफ्नो करियरको सुरुवात हङकङबाट गरेका थिए । उनले हङकङबाट यूएईविरुद्ध खेल्दै एकदिवसीय अन्तर्राष्ट्रियमा डेब्यु गरेका थिए ।  सन् २०१५ मा भएको आईसीसी विश्व क्रिकेट लिग च्याम्पियनसिपमा उनी यूएईविरुद्ध चौथो नम्बरमा ब्याटिङ गर्न आएका थिए । उनले यूएईविरुद्ध ११६ बलमा १२४ रनको अविजित पारी खेलेका थिए । 

सलिम इलाही
पाकिस्तानी पूर्वब्याट्सम्यान सलिम इलाही एकदिवसीय अन्तर्राष्ट्रियमा डेब्यु गर्दै शतक प्रहार गर्ने पहिलो एसियाली क्रिकेट खेलाडी हुन् । उनले श्रीलंकाविरुद्ध खेल्दै आफ्नो एकदिवसीय अन्तर्राष्ट्रिय क्रिकेटको सुरुवात गरेका थिए । श्रीलंकाविरुद्धको तीन खेलको सिरिजको पहिलो खेलमै उनले डेब्यु गर्दै शतक बनाएका थिए । उनले १०२ रनको अविजित पारी खेल्दै पाकिस्तानलाई सुखद सुरुवात दिलाएका थिए ।