एजेन्सी । विश्वभर महामारीका रूपमा फैलिएको कोरोना भाइरसविरुद्ध लड्न प्रिमियर लिग क्लबका खेलाडीहरूले ‘प्रिमियर लिग टुगेदर च्यारिटी फाउन्ड’ को आरम्भ गरेका छन् ।
प्रिमियर लिग फुटबल क्लब लिभरपुल र म्यान्चेस्टर युनाइटेडका कप्तान सम्मिलित फाउन्ट स्थापना गरेका हुन् । जसमा ह्यारी मगुरे र जोर्डान हेन्डरसन पनि छन् । यूके स्थास्थ्य प्रमुखले खेलाडीहरूले खोल्ने फन्डका लागि सहमति जनाएसँगै प्रिमियर लिग खेलाडीहरूको समूहले फन्डको सुरु गरेका हुन् ।
तर, यो फन्डलाई केही प्रिमियर लिग हस्तीहरूले आलोचना गरेका भने छन् । जसमा म्यान्चेस्टर युनाइटेडका प्रशिक्षक गुनर सोल्सायर पनि छन् । उनले खेलाडीहरूले स्थापना गर्ने फन्डमा केही छलफल हुनुपर्ने बताएका थिए ।
यस्तो छ खेलाडीहरूको स्टेटमेन्ट
“अघिल्लो साता मात्र हामी प्रिमियर लिगका केही खेलाडीहरूको छलफलमा केही पैसा संकलन गरेर फन्ड स्थापना गर्ने । त्यो फन्डको पैसा कुनै कोरोना भाइरस संक्रमित स्थानमा आवश्यक परेको समयमा लगानी गर्न लगाउने सहमति भएको थियो । नेसनल हेल्थ सर्भिस यूकेले आवश्यक परेको स्थानमा लगानी गर्नेछ,” स्टेटमेन्टमा लेखिएको छ, “प्लेअर टुगेदर भनेको नै हाम्रा लागि हो । र हामी खेलाडीका लागि पनि । सबै खेलाडीले सहकार्य गरेर सुरु गरेको हो । यसमा अन्य लिगका खेलाडीहरू पनि सहभागी हुनसक्छन् । त्यसैले धेरै खेलाडीहरू यो समयमा आवश्यक छन् । यो अवस्थामा धेरैलाई अभाव पनि छ ।”