लन्डन । संयुक्त अधिराज्य बेलायतले कोरोना परीक्षणको दायरा बढाउने भएको छ । बेलायतले अप्रिल मध्यसम्ममा दैनिक २५ हजारका दरमा कोरोना परीक्षण गर्ने लक्ष्य लिएको छ । 

बेलायतका आवासमन्त्री रोबर्ट जेनरिकले स्काइ न्युजसँग कुरा गर्दै परीक्षणको दायरा बढाउनसक्‍ने क्षमता बेलायतको रहेको बताएका हुन् ।

यसअघि एकजना मन्त्री माइकल गोभले डाउनिङ स्ट्रिटमा आयोजित पत्रकार सम्मेलनमा कोरोना परीक्षणका लागि आवश्यक केमिकलको विश्‍वव्यापी अभाव भएको बताएका थिए । 

आवासमन्त्री जेनरिकको भनाइप्रति आलोचना गर्दै परीक्षणको दायरा बढाउन ढिलो भइसकेको बताइएको छ । त्यसैगरी चिकित्सक तथा स्वास्थ्यकर्मीको पनि कोरोना परीक्षण थाल्‍नुपर्ने बताइएको छ । -बीबीसी