काठमाडौं । कोरोना भाइरसको संक्रमणको आशंकामा विभिन्न अस्पतालले ६० जनाको नमुना संकलन गरेर पठाएको राष्ट्रिय जनस्वास्थ्य प्रयोशालाले जनाएको छ ।

प्रयोगशालाका सूचना अधिकारी राजेश गुप्ताले आज ६० जनाको कोरोना भाइरसको आशंका गरेर आएका नमुना परीक्षण  भइरहेको बाह्रखरीलाई बताएका छन् । ‘‘मंगलबार बिहानसम्म ६ सय ६० जनाको नमुना परीक्षण भइसकेको छ  । जसमा एउटा मात्र कोरोना पोजेटिभ देखिएको छ अरु सबैमा नेगेटिभ छ,’’ उनले बाह्रखरीसँग भने, ‘‘आजबाट देशैभर लकडाउन भएको अवस्थामा ती नमुनाहरु गाडीबाटै आउँदै छन् ।’’

भरतपुरबाट पनि ५ वटा नमुना संकलन भएर आएको छ । ती सबैको आजै परीक्षण हुने उनले जानकारी दिए ।

कोरोना पोजेटिभ देखिएकी युवतीका पाँच आफन्तको पनि नमुना परीक्षण गरिँदै
यस्तै राष्ट्रिय जनस्वास्थ्य प्रयोगशालाले कोरोना पोजेटिभ देखिएकी महिलाका पाँच आफन्तको पनि आजै ‘थ्रोट स्वाव’ संकलन गरी परीक्षण गरिरहेको छ । 

प्रयोगशालाका सूचना अधिकारी गुप्ताले अहिले उनको सम्पर्कमा आएका परिवारका पाँच सदस्यकको स्वाब संकलन गरी परीक्षण सुरु गरेको जनाएका छन् । उनले भने, ‘‘उनीसँग सम्पर्कमा भएकाहरुको पनि खोजी भइरहेको छ ।’’