काठमाडौं । गायक प्रकाश सपूतले कोरोना रोकथाम तथा नियन्त्रणका लागि दुई लाख रुपैयाँ सहयोग गरेका छन् । कोरोना रोकथाम, नियन्त्रणका लागि सरकारले स्थापना गरेको कोषमा गायक सपूतले दुई लाख रुपैयाँ सहयोग गरेका हुन् ।

उनले पत्रकार महासंघ वागलुङमार्फत उक्त रकम सहयोग गरेका हुन् । 

उनले दैनिक मजदुरी गरेर जिविको पार्जन गर्ने आर्थिक अवस्था कमजोर भएका नागरिकलाई लक डाउनको अवस्थाले हातमुख जोर्ने समस्या आउन सक्ने भन्दै त्यस्ता नागरिकलाई सरकारले सहयोग गर्नुपर्नेमा जोड दिए । 

नागरिकको रक्षा गर्ने सरकारको दायित्व भन्दै गरिब जनताको आर्थिक सुरक्षाका लागि सरकारको योजना के छ भनेर प्रधानमन्त्रीलाई प्रश्न समेत गरेका छन् । 

सरकारले पछिल्लो समय गरेका कार्यको प्रशंसा गर्दै उनले सरकारी कदमलाई सफल बनाउन सबै नागरिकलाई सहयोग गर्न आग्रह समेत गरेका छन् ।