काठमाडौं । पोखरामा सीसीटीभी जडानका लागि सिटिजन्स बैंकले आर्थिक सहयोग गरेको छ । सीसीटीभी जडान गर्न बैंकले उपभोक्ता समितिलाई ७५ हजार रुपैयाँ सहयोग गरेको हो ।
जिल्ला प्रहरी कार्यालय, कास्कीमा आयोजित एक कार्यक्रमकाबीच शुक्रबार रकम हस्तान्तरण गरिएको हो ।
बैंक तथा वित्तीय संस्था, सुनचाँदी पसल र आर्थिक कारोबार हुने व्यवसायीको सुरक्षाका हेतुले पोखरा महानगरपालिकाको पालिका चोकदेखि राष्ट्रबैंक चोकसम्म सीसीटीभी जडान गर्ने योजना अगाडि सारिएको छ ।
यस कार्यले उक्त क्षेत्रमा हुने क्रियाकलापको निगरानीमा सहयोग पुग्ने विश्वास बैंकले लिएको छ । सीसीटीभी जडानपछि आपराधिक क्रियाकलापको अनुसन्धान गर्न नेपाल प्रहरीलाई सहज हुने कुरा समितिले जनाएको छ ।
शान्ति सुरक्षा कायम गरी अपराध मुक्त समाजको निर्माण गर्नुका साथसाथै अपराध अनुसन्धानमा संलग्न नेपाल प्रहरीका अधिकृत तथा जवानलाई थप हौसला प्रदान गर्नेे विश्वास बैंकले लिएको छ ।