काठमाडौं । महानगरीय प्रहरी आयुक्तको कार्यालय रानीपोखरीको निर्देशनमा मातहतका कार्यालयहरू आउने सेवाग्राहीहरूको सहजीकरणको सहजकर्ता सेवाको सुरुवात भएको छ ।
बुधबारबाटै सेवाअन्तर्गत महानगरीय प्रहरी परिसरहरू, ट्राफिक महाशाखा, ललितपुर र भक्तपुर ट्राफिक परिसर ,अपराध महाशाखा र परिसर मातहतका सवै वृत्त र प्रभागहरूमा सुरूवात भएको हो ।
रानीपोखरीका डीआईजी विश्वराज पोखरेलका अनुसार प्रहरीले दिने सेवा सहज, सरल,मर्यादीत, निश्पक्ष र पारदर्शी बनाउनका लागि सहजकर्ता सेवाको सुरुवात गरिएको हो ।
हरेक मुद्दा चल्ने प्रहरी कार्यालयहरूमा कार्यालय समयमा नागरिक सहजकर्ताको व्याज लगाई कार्यालयको गेटमा नागरिकलाई सेवा प्रदान गर्न सहजकर्ता हुनेछन् ।
डीआईजी पोखरेलले सहकर्ताको काम नागरिक के कामले आएको हो ? त्यसका लागि के गर्ने लगायत प्रहरी सेवा कसरी लिने भन्नेबारे जानकारी दिनेछन् ।
डीआईजी पोखरेलले भने,‘‘हामी जनताका सेवक हौं । पीडितका पक्षधर हौं । समस्या परेर आएकाहरुलाई राम्रो व्यावहार गर्नु हाम्रो कर्तव्य हो । नागरिकलाई प्रदान गर्ने सेवा अझ बढी प्रभावकारी बनोस भनेर सहजर्ता सेवा सुरु गरेका हौं ।’’
