काठमाडौं । शीर्ष स्थानका लागि संर्घषरत विभागीय क्लब नेपाल पुलिसले जारी सहिद स्मारक ‘ए’ डिभिजन लिग फुटबलमा न्युरोड टिम (एनआरटी) सँग गोलरहित बराबरी खेलेको छ ।
पहिलो हाफको समाप्तिसम्म पुलिसले न्युरोड टिम एनआरटीसँग गोलरहित बराबरी खेलेको हो । त्रिपुरेश्वरस्थित दशरथ रंगशालामा अधिंकाश समय बल नियन्त्रणमा लिए पनि पुलिसले गोल गर्न सकेको छैन ।
३६औं मिनेटमा पुलिसका सुमन लामाको प्रहार एनआरटीका गोलकिपरले रोके । त्यसअघि २०औं मिनेटमा पुलिसका भरत शाह गोल गर्न चुके । १२औं मिनेटमा शाहको प्रहार किपरले रोकेका थिए । २ मिनेटमा प्रवेश कुँवरले सुन्दर अवसर खेर फाल्दा पुलिस अग्रता लिनबाट वञ्चित भयो ।
लिगमा अपेक्षाकृत नतिजा निकाल्न नसकेको पुलिस तेस्रो जित निकाल्न चाहान्छ भने एनआरटी पनि ३ अंक जोड्ने योजनामा छ । यसअघिका ५ खेलमध्ये पुलिसले २ मा जित, २ मा बराबरी र १ मा हार व्यहोरेको छ । एनआरटीले २ मा जित,२ मा हार र १ मा बराबरी खेलेको छ ।