काठमाडौं । जुम्लामा आज बिहान माइनस ७ डिग्री सेल्सियस तापक्रम पुगेको छ ।

जल तथा मौसम पूर्वानुमान महाशाखाले आज जारी गरेको बुलेटिनमा जनाइएअनुसार त्यसपछि (दोस्रो) सबैभन्दा चिसो डडेल्धुरामा ०.९, काठमाडौंमा १.२ र वीरेन्द्रनगरमा १.३ डिग्री सेल्सियस तापक्रम रेकर्ड भएको छ । काठमाडौंमा हिजो शून्य दशमलव ९ डिग्री सेल्सियस तापक्रम पुगेकामा आज केही बढेको छ ।

यसैगरी दिपायलमा २.४, ओखलढुंगामा ३, पोखरामा ३.२, ताप्लेजुङमा ३.५ डिग्री सेल्सियस तापक्रम रहेको महाशाखाले जनाएको छ ।

यस्तै विराटनगरमा १०.८, धनकुटामा ५.५, सिमरामा ९, भैरहवामा ९.२, दाङमा ४, नेपालगन्जमा ८.४ र धनगढीमा ६ डिग्री सेल्सियस तापक्रम मापन गरिएको छ ।