काठमाडौं । साताको पहिलो दिन पुँजी बजार सामान्य सच्चिएको छ । आइतबार शेयर बजार परिसूचक नेप्से ३.४५ अंकले सुधारिएर ११ सय ३५ दशमलब ३७ मा पुग्यो । नेप्से बढ्दा सेन्सेटिभ इन्डेक्स पनि १ दशमलब ७५ विन्दुले बढेर २ सय ५० दशमलब ५२ विन्दुमा पुग्यो ।
यस दिन कारोबार भएका आधा उपसमूहमा सुधार आयो भने आधा उपसमूहमा गिरावट आएको छ । बाणिज्य बैंक, व्यापार, होटल, विकास बैंक, टेलिकम सूचीकृत अन्य र लघुवित्त उपसमूहमा बृद्धि आयो भने जलविद्युत, वित्त, निर्जिवन बीमा, उत्पादनमुलक, जीवन बीमा र म्यूचल फण्डमा गिरावट आयो ।
टेलिकम सूचीकृत अन्य उपसमूह सबैभन्दा उच्च १९ दशमलब ४७ अंकले बढ्दा लघुवित्त उपसमूह पनि १७ दशलमब शून्य ९ अंकले सुधारियो । जिबन बिमा समूह भने सबैभन्दा उच्च ११ दशमलब ६४ अंकले झर्यो ।
यसदिन १ सय ७१ कम्पनीको ९ लाख ८७ हजार ७ सय ३९ कित्ता शेयर २८ करोड ७५ लाख २७ हजार रुपैयाँमा खरिद बिक्री भए ।
आज राष्ट्रिय बीमा संस्थान कम्पनीका शेयरधनीले सबैभन्दा उच्च प्रतिसेयर १ सय ८० रुपैयाँ कमाए भने बोटलर्स नेपालका सेयरधनीले सबैभन्दा बढी प्रतिशेयर १ सय ८९ रुपैयाँ गुमाए ।
