नरेन्द्र मोदी भारतका प्रधानमन्त्री भएपछि उनको उत्तराधिकारीका रूपमा पटेल गुजरातमा मुख्यमन्त्री भएकी थिइन् ।

आनन्दी बेनले आफू आगामी नोवेम्बरमा ७५ वर्ष पुग्ने र अर्को वर्ष विधानसभाको निर्वाचन हुने भएकाले भावि मुख्यमन्त्रीलाई पर्याप्त समय पाउन् भनेर राजीनामा गरेको फेसबुकमा उल्लेख गरेकी दी टाइम्स अफ इन्डियाले लेखेको छ । 

भारतीय कांग्रेस र आम आदमी पार्टीका नेताहरूले भने भ्रष्टाचारविरुद्ध लडाइँमा जित भएको दाबी गरेका छन् । हफिङटन पोस्टले कांग्रेसका स्थानीय नेतालाई उद्धृत गर्दै उनलाई केन्द्रमा मन्त्री वा कतै गभर्नर बनाइयो भने यसले घाउमा नुन छर्केजस्तो हुनेछ भन्ने लेखेको छ । 

आनन्दी बेनको सरकारमा जमिन घोटालामा संलग्न भएको आरोप लागेको छ भने हालै पटेलहरूको आन्दोलनमा दमन गरेको र दलितहरूमाथि  'गौ रक्षक' नाममा गरिएको अत्याचारका विषयमा पनि भारतीय जनता पार्टीको सरकारको आलोचना हुँदै आएको थियो । गुजरातमा हालै भएका स्थानीय निर्वाचनहरूमा भाजपाको हार र आनन्दी बेनको राजीनामालाई प्रधानमन्त्री मोदीको खस्कँदो प्रभावका रूपमा लिइएको छ ।