काठमाडौं । नेपाल भ्रमणमा आउन लागेका चिनियाँ राष्ट्रपति सी जिनपिङसँग प्रधानमन्त्री केपी शर्मा ओलीले विमानस्थलमा केहीबेर छुट्टै भेट्ने भएका छन् । प्रधानमन्त्री निकट स्रोतले बाह्रखरीलाई जानकारी दिएअनुरूप प्रधानमन्त्री ओलीले सीलाई केही बेर त्रिभुवन विमानस्थलको अतिविशिष्ट कक्षमा केहीबेर भेट्नेछन् ।
प्रधानमन्त्री ओलीसँगको भेटपछि मन्त्रीहरूसँग परिचय र गार्ड अफ् अनर दिइने छ । त्यसपछि राष्ट्रपति सी सिधै राष्ट्रपति भवन शीतल निवास प्रवेश गर्नेछन् ।
राष्ट्रपति सी भारतको चेन्नइबाट नेपाल प्रस्थान गरिसकेका छन् । उनी केहीबेरमा नेपालको आकाशमा प्रवेश गर्नेछन् । चिनियाँ समकक्षीको औपचारिक स्वागत राष्ट्रपति विद्यादेवी भण्डारीले गर्नेछिन् ।
राष्ट्रपतिको सीको स्वागतका लागि प्रधानमन्त्री केपी शर्मा ओली त्रिभुवन अन्तरराष्ट्रिय विमान स्थल पुगिसकेका छन् ।