काठमाडौं । भक्तपुरको बालकोटमा बस्दै आएका १३ वर्षीय बालक बेपत्ता भएका छन् । काठमाडौं बुद्धनगरस्थित केएमसी स्कुलमा कक्षा ८ मा अध्ययनरत बालक जोन्सल रावल शनिबारबाट बेपत्ता भएका हुन् ।

महानगरीय प्रहरी परिसर काठमाडौंका डिएसपी होविन्द्र वोगटीका अनुसार शनिबार बिहान साढे आठ बजे घरबाट निस्किएका जोन्सनले बुद्धनगरमै बस्ने १८ वर्षीय साथी अभिषेक बस्याललाई भेटेका थिए । साँझको समयमा जोन्सल बसमा घर फर्किएको र घरका सदस्य बाहिर रहेपछि नजिकैको पसलमा समेत गएको सञ्चालकले बताएको वोगटीले बताए ।  

त्यसपछि जोन्सल नभेटिएको र आफन्त, साथीभाइ तथा विभिन्न रेस्टुरेन्टमा खोजी गरेको डिएसपी वोगटीले बताए । डिएसपी बोगटीले अभिषेकमाथि समेत अनुसन्धान सुरु गरिएको बताए । परिवारले अपहरणको आशंकामा अभिषेकमाथि अनुसन्धानको माग गरेपनि अपहरण हो वा होइन अनुसन्धान जारी रहेको बोगटीले बताए ।