काठमाडौं । नेपाली कांग्रेसको भ्रातृ संगठन नेपाल विद्यार्थी संघ (नेविसंघ) ले व्यवस्थापन संकायको स्नातक र स्नातकोत्तर तहमा छात्रवृत्ति बढाउन माग गरेको छ ।
विद्यार्थी नेताहरु दिपक ओझा, विष्णु खड्का, सन्तोष गुरुङ, छत्र रावल, महेन्द्र भट्टराई, योगेन्द्र रावललगायतले उपकुलपति खनियाँ र व्यवस्थापन संकायका डीनलाई नेविसंघको मागबारे ज्ञापनपत्र बुझाएका हुन् ।
त्रिभुवन विश्वविद्यालयका उपकुलपति तीर्थ खनियाँलाई ज्ञापन पत्र बुझाउँदै नेविसंघले दुवै तहमा ३० प्रतिशत छात्रवृत्ति लागु गर्न माग गरेको हो । अहिले स्नातक तहमा २० प्रतिशत र स्नातकोत्तर तहमा १५ प्रतिशत छात्रवृत्तिको व्यवस्था छ ।
नेविसंघले एमबीए, एमबीएम, बीबी, बीआएएम, बीबीएम र बीबीए फाइनान्समा पनि १० प्रतिशत छात्रवृत्तिको व्यवस्था हुनुपर्ने माग गरेको छ । नेविसंघले त्रिभुवन विश्वविद्यालयबाट सम्वन्धन प्राप्त क्याम्पसहरुले छात्रवृति दिए–नदिएको बारेमा अनुगमन र मूल्यांकन गर्नसमेत विश्वविद्यालयलाई सुझाव दिएको छ ।
