काठमाडौं । सौगात मल्ल स्टारर चलचित्र ‘माछा माछा’ले रिलिज डेट लिएको छ । सौगातसँगै विजय बराल र अनोज पाण्डे मुख्य भूमिकामा रहेको चलचित्र कात्तिक २९ गते रिलिज हुनेछ । 

तीनजना गाउँले युवाले शहरिया जीवनमा स्थापित हुन गरेको संघर्षको कथामा निर्मित चलचित्रको फस्र्टलुक  पोस्टर पनि सार्वजनिक गरिएको छ । 

सुनिल गुरुङको लेखन तथा निर्देशन रहेको चलचित्रमा सौगात, विजय र अनोजसँगै नम्रता श्रेष्ठ र माओत्से गुरुङ पनि केन्द्रीय भूमिकामा छन् । 

पोस्टरमा अभिनेत्री नम्रता श्रेष्ठलाई पनि स्थान दिइएको छ । चलचित्रमा प्रवीण खतिवडा, पुस्कर गुरुङ, कमलमणि नेपाल, भोलाराज सापकोटा, सरिता गिरी, ध्रुर्व कोइराला, बसन्त भट्टलगायत कलाकारको पनि अभिनय छ ।