काठमाडौं । साताको चौथो दिन बुधबार सेयर बजार मापन गर्ने नेपाल स्टक एक्सचेन्ज ( नेप्से) परिसूचकमा २ दशमलव ७८ अंकको गिरावट आएको छ । बुधबार नेप्से २ दशमलव ७८ अंकले घटेर १ हजार २ सय ५८ दशमलव २९ अंकमा पुगेको हो । नेप्से घटेको दिन सेन्सिटिभ इन्डेक्स पनि शून्य दशमलव ६३ अंकले घटेर २ सय ७० दशमलव ८१ अंकमा पुगेको हो ।
नेप्से घटेको दिन बजारमा १ सय ६७ कम्पनीका १४ लाख १३ हजार ३ सय ५७ कित्ता सेयर ५७ करोड १ लाख २३ हजार ४ सय ८७ रुपैयाँमा कारोबार भए । आज बजारमा कारोबारमा आएका १२ वटा समूहगत उपसूचकमध्ये ४ समूह उकालो लागेका छन् भने ८ समूह ओरालो लागेका छन् ।
उकालो लाग्नेमा ट्रेडिङ् समूह सर्वाधिक २ दशमलव ५३ अंकले उकालो लाग्यो भने जीवन बिमा समूह सर्वाधिक ११ दशमलव १८ अंकले ओरालो लाग्यो । आज बजारमा हिमालयन डिस्टिलरीको कारोबार सबैभन्दा धेरै भयो । यस दिन कम्पनीको सेयर १९ करोड ४२ लाख ७३ हजार ४ सय ५० रुपैयाँमा कारोबार भएको हो ।
यसदिन नेपाल एग्रो लघुवित्तका लगानीकर्ताले सबैभन्दा धेरै कमाए । आज कम्पनीको सेयर ९ दशमलव ९५ प्रतिशतले बढेको हो । त्यसैगरी गुराँस लघुवित्तका लगानीकर्ताले सर्वाधिक ६ दशमलव ३६ प्रतिशत सेयर मूल्य गुमाए ।