हाम्रा अघिल्तिर कुनै खानेकुरा छ भने त्यसलाई कुन क्रममा खाने भन्ने विषयलाई हामी उतिविधि ध्यान दिँदैनौं । तर त्यसले ब्लड सुगर बढाउन सक्छ । क्रम नमिलाई गरिएको भोजनले टाइप-२ डायबिटिज (मधुमेह) बढाइदिन सक्ने पछिल्लो अध्ययनले देखाएको छ । यो अध्ययनलाई बाल्टिमोरमा ‘पोषण २०१९’ को बैठकमा प्रस्तुत गरिने भएको छ ।
लामो समयसम्म संयुक्त राज्य अमेरिकामा २७१७ जना युवामा गरिएको अध्ययन, जसले(युवा) २० वर्षमा आफ्नो भोजनमा फलफूल, सागसब्जी, गेडागुडी र वनस्पति तेलको मात्रामा वृद्धि गरे तीमध्ये ६० प्रतिशतमा मधुमेहको जोखिम कम देखियो । यस्ता पदार्थ नखाने युवामा टाइप–२ मधुमेहको जोखिम देखिएको थियो । अध्ययनको निष्कर्षमा सुझाव दिइएको छ– अधिक सागपातयुक्त खानेकुराको प्रयोगले मधुमेह रोक्न मद्दत गर्छ ।
अन्य निष्कर्षमा पनि सुझाव दिँदै भनिएको छ– भोजन या पूरक आहारबाट भिटामिन बी २ र बी ६ को उच्च प्रयोग गर्ने व्यक्तिमा टाइप–२ मधुमेहको जोखिम अत्यन्तै कम हुन्छ । दुई लाखभन्दा बढी मानिस सम्मिलित अध्ययनबाट के स्पष्ट भएको छ भने, खाद्य पदार्थबाट भिटामिन बी १२ को उच्च उपभोग गर्नुले टाइप–२ मधुमेहलाई निकै बढाइदिन्छ, यस्तो भिटामिन पशुबाट उत्पादन हुने खानेकुरामा बढी पाइन्छ ।
यतिमात्र होइन, एउटा अर्को अध्ययनले भोजन गर्ने क्रमलाई पनि महत्व दिएको छ । मिलाएर भोजन खान सक्दा ब्लडसुगर बढ्न पाउँदैन । अध्ययनमा के पाइयो भने, सुरुमा भात त्यसपछि एउटा तरकारी र मासु खाँदा अन्य अनुक्रममा खाएको भन्दा बढी ब्लडसुगर उत्पन्न हुन्छ ।
अध्ययनको निष्कर्षले भन्छ– खाना खाएपछि ब्लडसुगर कम गर्न सरल तर प्रभावकारी तरिका अपनाउनुपर्छ । यसले मधुमेहको सङ्क्रमणलाई रोक्छ । दैनिक खानेकुरामा सागपातको मात्रा लामो समयसम्म उपयोग गर्न सक्दा मधुमेहको सम्भावनालाई टाढा धकेलिदिन्छ ।
के हो टाइप–२ डायबिटिज
मधुमेह मानव शरीरको एउटा समस्या हो, यसले शरीरमा चिनी (सुगर)को मात्रा अधिक हुन पुग्छ । यसलाई हाइपरग्लाइसेमिया पनि भनिन्छ । टाइप–२ डायबिटिज, मधुमेहको आम रुप हो । तपाईंलाई टाइप–२ मधुमेह छ भने, तपाईंको शरीरले इन्सुलिनको सही उपयोग गर्न सक्दैन । यसलाई इन्सुलिन प्रतिरोध भनिन्छ ।
(दि इकोनोमिक टाइम्समा आधारित)