![आगामी आर्थिक वर्षमा मुलुक विद्युतमा आत्मनिर्भर बन्छ : अर्थमन्त्री](https://12khari.de/uploads/posts/Yubraj-Khatiwada-1_916640902.jpg)
काठमाडौं । अर्थमन्त्री डा. युवराज खतिवडाले आगामी आर्थिक वर्षमा मुलुक विद्युतमा आत्मनिर्भर हुने दाबी गरेका छन् । शुक्रबार काठमाडौंमा आयोजित एक कार्यक्रममा मन्त्री खतिवडाले यस्तो बताएका हुन् ।
अर्थमन्त्री खतिवडाले उत्पादन वृद्धि गरी मुलुकका बढ्दो व्यापार घाटालाई कम गर्दै लैजाने योजना आगामी आर्थिक वर्षको बजेटमा समावेश गरिएको प्रस्ट पारे ।
उनले उत्पादन वृद्धि गर्ने, निर्यात व्यापारलाई बढाउँदै लैजाने विधिबाटै व्यापार घाटालाई कम गर्न सकिने पनि दोहोर्याए । मुलुकको व्यापार घाटा कम हुने गरी उत्पादन वृद्धि गर्न केन्द्रित हुन प्रदेश र स्थानीय तहलाई समेत मन्त्री खतिवडाले आग्रह गरेका छन् ।
उनले जनताको अपेक्षालाई सम्बोधन गर्न वृद्ध भत्तासहितका सामाजिक सुरक्षा भत्तालाई बढाउनु परेको बताए ।
![Global Ime bank](https://baahrakhari.com/uploads/bigyaapan/30885600.gif)