काठमाडौं । एमजीले विन्टर कार्निभल २०२४ को आयोजना गर्ने भएको छ । कम्पनीले यसै पुस ५ गतेदेखि ७ गते (डिसेम्बर २० देखि २२ तारिक)सम्म काठमाडौंको बालुवाटारस्थित स्लिभर ओकमा विन्टर कार्निभल २०२४ को आयोजना गर्न लागेको हो । कार्निभलमा एमजी, माज्दा, म्याक्सस र वुलिङ ब्रान्डको उपस्थिति रहने भएको छ ।

यसले उपभोक्तालाई विभिन्न ब्रान्ड र रेन्जका ईभीहरू एक्सचेञ्ज गर्न सकिने अवसर प्रदान गर्ने एमजीले जनाएको छ । एमजी विन्टर कार्निभलमा लक्जरी गाडी एक्सजेञ्च गर्दा दश लाख रुपैयाँसम्म बोनस मिल्ने बताइएको छ ।

अनदि स्पट फाइनान्सिङ, टेस्ट ड्राइभ, मनोरञ्जन, खाना तथा स्न्याक्स, मनोरञ्जनात्मक क्रियकलाप र किड्स प्लेजोनसहितको सुविधा कार्निभलमा रहने कम्पनीले बताएको छ । नेपाल प्रिमियर लिग (एनपीएल)को फाइनलका दिन लाइभ म्याच समेत प्रस्तुत गरिने कम्पनीले जनाएको छ ।

एमजीको नेपालका लागि आधिकारीक वितरक पारामाउन्ट मोटर्सले यसले उपभोक्तालाई आफ्नो गाडी अपग्रेड गर्न राम्रो अवसर प्रदान गर्ने अपेक्षा गरेको छ ।