काठमाडौं । साताको अन्तिम दिन बिहीबार बजारमा सेयर कारोबार मापन गर्ने नेपाल स्टक एक्सचेन्जन (नेप्से) परिसूचकमा ४ दशमलव ६९ अंकको गिरावट आएको छ । साताको पहिलो दिन बढेको सेयर बजार त्यसयता निरन्तर ओरालो लागेको हो ।
बिहीबार नेप्से परिसूचक ४ दशमलव ६९ अंकले घटेर १ हजार २ सय ८४ दशमलव ५९ पुगेको हो । नेप्से घटेको दिन सेन्सिटिभ इन्डेक्स पनि शून्य दशमलव ९७ अंकले घटेर २ सय ७५ दशमलव ८९ पुगेको छ ।
बिहीबार बजारमा १ सय ७२ कम्पनीका १८ लाख ५९ हजार २ सय ४८ कित्ता सेयर ५८ करोड ८८ लाख २२ हजार ६ सय २५ रुपैयाँको कारोबार भयो । नेप्से घटेको दिन कारोबारमा आएका १२ वटा समूहगत उपसूचकमध्ये ५ उपसूचक उकालो लागेका छन् भने बाँकी ७ समूह ओरालो लागेका छन् । आज फाइनान्स समूह सर्वाधिक १८ दशमलव ५५ अंकले उकालो लाग्यो भने जीवन बीमा सर्वाधिक ८५ दशमलव २४ अंकले ओरालो लाग्यो ।
सेयर बजार घटेको दिन बजारमा शिवम् सिमेन्टको सेयरको कारोबार सबैभन्दा धेरै भयो । यस दिन कम्पनीको सेयर ७ करोड ७६ लाख ९७ हजार २ सय ८७ रुपैयाँमा किनबेच भएका छन् ।
यस दिन कर्पोरेट डेभलोमेन्ट बैंकका लगानीकर्ताले सबैभन्दा धेरै कमाए । यस दिन बैंकको सेयर ९ दशमलव ६५ प्रतिशतले बढेको छ । त्यसैगरी पाँचथर पावर कम्पनीका लगानीकर्ताले सर्वाधिक ५ दशलव १० प्रतिशत सेयर मूल्य गुमाए ।