विराटनगर । नेपाली कांग्रेसका उपसभापति विजयकुमार गच्छदारले सरकारले संसदमा दर्ता गरेको नेपाल मिडिया काउन्सिल विधेय फिर्ता लिन आग्रह गरेका छन् ।
शुक्रबार अपरान्ह विराटनगर विमानस्थलमा पत्रकारहरुसँग कुरा गर्दै उनले भने,‘‘सञ्चारमाध्यमले के लेख्ने र के नलेख्ने भन्ने कुरा आफैंले विचार पुर्याउनु पर्छ । कुनैपनि बाहनामा प्रेस स्वतन्त्रतामा सरकारल अंकुश लगाउने कार्य गर्न हुँदैन् ।’’
गच्छदारले प्रतिपक्ष दलको हैसियतले नेपाली कांग्रेस प्रेस जगतको अधिकारमाथि प्रहार एवम् कुन्ठित गर्ने जुनसुकै विधेयकको विरोधमा रहने स्पष्ट गरे । उपसभापति गच्छदारले संसदमा दर्ता गरिएको सुरक्षा परिषद र मानवअधिकार सम्बन्धी विधेयकले पनि लोकतान्त्रिक विधि र संघीयता तथा संसदीय प्रजातन्त्रलाई कमजोर पार्ने दाबी गरे ।
उनले भने,‘‘सरकार जनताका अधिकारलाई कुण्ठित गर्न उद्धत भएको छ ।’’ उनले यस्ता विधेयक सम्बन्धमा प्रतिपक्षसँग सल्लाह एवं सहमति नहुने गरेको पनि खुलाए । नेता गच्छदारले वर्तमान संविधान सबैको सहयोगमा निर्माण भएको धारणा व्यक्त गरे ।