न्यूयोर्क । बोइङ्ग कम्पनीका प्रमुख कार्यकारी अधिकृत (सीईओ)ले हालै विवादमा आएको ७३७ म्याक्स जेट राम्रोसँग डिजाइन गरिएको भएपनि हालैको दुई वटा दुर्घटनापछि त्यसलाई अझ सुरक्षित पार्ने प्रयास गरिएको बताएका छन् । सिइओ डेनीस मुलेनवर्गले पाइलटबाट बोइङ्गले तोकेका सबै मापदण्ड नपछ्याएका कारण त्यस खालको समस्या आएको जनाएका छन् । 
उनले गएको मार्च १० तारेखमा भएको इथियोपियन एयरलाइन्सको विमान दुर्घटना र अघिल्लो अक्टोबरमा भएको लायन एयरको ७३७ म्याक्स विमान दुर्घटनामा परेका थिए ।  सो विमानका एन्टी स्टाल सफ्टवेयर भनिने एमसीएएस सम्बन्धी विषय नै दुवै दुर्घटनामा सम्बन्धित रहेको उनले बोइङ्गको वार्षिक शेयरहोल्डर बैठकमा बताएका हुन् । 

इथियोपियन अधिकारीहरुले भने पाइलटले बोइङ्गका सबै प्रक्रिया अपनाउँदा पनि विमानलाई नियन्त्रणमा लिन नसकेको जनाएका छन् । यसो हुनुमा आफ्नो भूमिका रहेको बोइङ्गले जनाएको छ । ‘‘यो खतरा अन्त्य गर्ने हाम्रो भूमिका हो । हामी यसको जिम्मेवारी लिन्छौं र यो कसरी गर्ने भन्ने हामीलाई थाहा छ,’’ उनले अप्रिल ४ मा भनेका थिए । सोमबार पनि मुइलेनबर्गले बोइङ्गले केही सुधार गरेर म्याक्सलाई अझ सुरक्षित गर्न सुधार गरिने बताएका छन् । “अघि बढ्न हामीले सुधारका केही बाटो पत्ता लगाएका छौं,” उनले भनेका छन्, ‘‘हामीले फेरि एउटा सबैभन्दा सुरक्षित बिमान बनाउने छौं । ’’

बोइङ्गका कार्यकारीहरुले बोइङ्ग ७३७को बारेमा शेयरहोल्डरको कडा प्रश्नको सामना गर्नुपरेको थियो । मार्च १० को दुर्घटनापछि कम्पनीको मूल्यको स्टकमा यसको मूल्य १० प्रतिशतले घटेको छ । बोइङ्गले गएको हप्ता पहिलो क्वार्टरमा कमाई २१ प्रतिशतले घटेको जनाएको थियो । 
(सीएनएन)