काठमाडौं । साताको अन्तिम दिन बिहिबार सेयर कारोबार मापन गर्ने नेपाल  स्टक एक्स्चेन्ज (नेप्से) परिसूचक १२ दशमलव ८३ अंकले बढेर १ हजार २ सय  ९२ पुगेको छ । नेप्से बढेको दिन सेन्सिटिभ इन्डेक्स २ दशमलव ७३ प्रतिशतले बढेर २ सय ७९ दशमलव ६७ पुगेको छ । 
बजारमा १ अर्ब ३५ करोड ८४ लाख २९ हजार ९ सय ३७ रुपैयाँको सेयर कारोबार भए । १ सय ७६ कम्पनीका ४५ लाख २२ हजार २६ कित्ता सेयर किनबेच भए । 
सुरुवातको सयमदेखी नै बढ्दै आएको सेयर अन्तिम अबस्था सम्म नै कायम रह्यो । नेप्से बढेको दिन समूहगत १० वटै उपसुचमा हरियाली छाएको छ । यस दिन बजारमा सबैभन्दा धेरै लाइफ इन्स्योरेन्स समुह ८९ दशमलव ९१ प्रतिशतले सबैभन्दा अगाडी बढेको छ  । त्यसपछि क्रमशः विकास बैंक र निर्जिवन बिमा र अन्य समूह रहेका छन् । 
यस दिन सबैभन्दा धेरै कारोबार  नेपाल बैंक लिमिटेडको सेयरको भयो । यस दिन  बैंकको १८ करोड ४१ लाख ६४ हजार ९ सय १७ रुपैयाँको सेयर  कारोबार भयो । नेप्से बढेको दिन एभेरेष्ट इन्स्योरेन्स कम्पनीका लगानीकर्ताले सबैभन्दा धेरै कमाए । कम्पनीको सेयर ४ सय ६९ प्रतिशतले वृद्धि भयो । यसैगरी गुमाउने मध्येमा  तारागाउँ  होटलका लगानीकर्ताले २ सय ३४ प्रतिशत गुमाए ।