काठमाडौं । साताको चौंथो दिन सेयर कारोबार मापन गर्ने नेपाल स्टक एक्स्चेन्ज (नेप्से) परिसूचक १९ दशमलव १४ अंकले बढेर १ हजार २ सय ७९ पुगेको छ । नेप्से बढेको दिन सेन्सिटिभ इन्डेक्स ४ दशमलव ८० प्रतिशतले बढेर २ सय ७६ दशमलव ९४ पुगेको छ ।
नेप्से बढेको दिन बजारमा ९५ करोड ३ लाख ४ हजार ४ सय १० रुपैयाँको सेयर कारोबार भयो । यस क्रममा १ सय ७२ कम्पनीका ३४ लाख ८ हजार ३ सय ७४ कित्ता सेयर किनबेच भए । सुरुवातमा बढेका देखिएको बजार विस्तारै ह्वातै बढेको हो । नेप्से बढेको दिन समूहगत १० उपसूचकहरु मध्ये ८ वटा उपसूचक उकालो लागेका छन् भने २ उपसूचक ओरालो लागेका छन् ।
नेप्से बढेको दिन सबैभन्दा धेरै होटल समूह ६० दशमलव ११ अंकले उकालो लाग्यो भने घट्नेतर्फ उत्पादनमुलक समूह २ दशमलव ६९ अंकले ओरालो लाग्यो । आज सबैभन्दा धेरै कारोबार नेपाल बैंक लिमिटेडको सेयरको भयो । बैंकले ९ करोड ९ लाख ४६ हजार २ सय ६९ रुपैयाँ बराबरको सेयर किनबेच भए ।
नेप्से बढेको दिन एभरेष्ट इन्स्योरेन्स लिमिटेडका लगानीकर्ताले सबैभन्दा बढी कमाए । कम्पनीको सेयर ९ दशमलव ७७ प्रतिशतले बढ्यो । त्यसैगरी रधी विधुत् कम्पनीका लगानीकर्ताले ८ प्रतिशत गुमाए ।