अर्थ व्यवसाय
काठमाडौं । टीभीएसका मोटरसाइकल तथा स्कुटर दराजमा खरिद गर्न पाइने भएको छ । कम्पनीको नेपालका लागि एकमात्र अधिकृत विक्रेताले दराजसँग सम्झौता गरेको हो ।
सम्झौतामा जगदम्बा मोटर्सका भाइस प्रेसिडेन्ट दिपक अग्रवाल र दराज अनलाइनका व्यवस्थापकीय निर्देशक लिनो एलेरिङले हस्ताक्षर गरे । सम्झौताअनुसार अब दराज अनलाइनबाट टीभीएसका मोटरसाइकल र स्कुटरहरु खरिद गर्न सकिने छ ।
नयाँ वर्षको सुरुवातमा ल्याइएको यस अफरमा काठमाडौंका ग्राहकहरुले दराजबाट कुनै पनि टीभीएसका बाइक वा स्कुटर किन्दा १० हजार छुट पाउने छन् । सीमित अवधिको लागि दिइएको छुट पहिलो १०० जना ग्राहकहरुका लागि मात्र लागू हुनेछ ।
प्रकाशित मिति: मंगलबार, वैशाख ३, २०७६ १६:५३
प्रतिक्रिया दिनुहोस्