यी हुन् ०७६ का आशलाग्दा चलचित्र 

यी हुन् ०७६ का आशलाग्दा चलचित्र 

काठमाडौं । अघिल्ला वर्षहरुमा झैं ०७५ मा पनि अधिकांश चलचित्रले लगानी सुरक्षित गर्न सकेनन् । ९५ प्रतिशतभन्दा धेरै चलचित्रले निर्माण लगात डुबाउँदा बक्स अफिसमा उल्लेख्य व्यापार गर्ने चलचित्र ‘छक्का पञ्जा’ मात्रै भयो । लगानी उठाउने बाँकी चलचित्रले पनि नाफा कमाउन भने सकेनन् । लागत सुरक्षित मात्रै गरे । समग्रमा ०७५ नेपाली चलचित्र उद्योगका लागि सुखद रहेन । अपेक्षित सफलता प्राप्त नगरेको वर्ष ०७५ सकिएसँगै ०७६ लागेको छ । ०७६ चलचित्रको बजारका हिसावले कस्तो रहने हो त्यो त हेर्न बाँकी नै छ ।  तर ०७६  रिलिज हुने केही चलचित्रले ०७५ मै चर्चा कमाएका छन् ।

‘जात्रैजात्रा’
‘जात्रैजात्रा’ यो वर्ष रिलिज हुँदैछ । प्रदीप भट्टराईले निर्देशन गरेको यो चलचित्रमा कथा पनि निर्देशक स्वयम्को छ । सुरुमा ‘जात्रा’ को सिक्वेल बनाउँदिनँ भने पनि उनी आफ्नै वचनमा अड्न सकेनन् । परिणाम यसको सिक्वेलको अहिले पोस्टप्रोडक्सनको काम भइरहेको छ । ‘जात्रा’ ले राम्रो समीक्षा र व्यापार गरेपछि त्यसकै दर्शक सिक्वेलमा पनि आउने निर्माण पक्षको अपेक्षा छ ।

‘जात्रा’ पछि उनले महसञ्चारको ब्यानरमा ‘शत्रु गते’ निर्देशन गरे । यसले व्यापार त राम्रै गर्यो तर समीक्षा राम्रो पाएन । त्यसैले उनी ‘जात्रै जात्रा’ बनाउन कस्सिए । ‘जात्रै जात्रा’ मा विपिन कार्की, रविन्द्रसिंह बानियाँ, रविन्द्र झा, वर्षा राउत र दयाहाङ राई मुख्य भूमिकामा छन् । 
 

‘छ माया छपक्कै’

केहीवर्ष यता नेपाली चलचित्र उद्योगमा लगातार आफ्नो प्रभाव छोड्दै आएका कलाकार तथा निर्माता हुन् दीपकराज गिरी । उनको चलचित्र ‘छक्का पञ्जा’को सिरिजले बक्स अफिसका सबै रेकर्ड तोड्दै आएका छन् । उनै दीपकराज गिरी अब ‘छ माया छपक्कै’ लिएर आउँदैछन् । 

टाइटल स्टाइल र कलर समेत उस्तै राखेर नाम घोषणा गरिसकेका उनी आफैंले ‘छ माया छपक्कै’ को कथा लेखेका हुन् । चलचित्रमा दीपक आफैं मुख्य भूमिकामा छन् भने केदार घिमिरे पनि अर्का मुख्य कलाकार हुन् ।

बाँकी कलाकारको टुङ्गो लागिसकेको छैन । ‘छ माया छपक्कै’ लाई दीपेन्द्र लामाले निर्देशन गर्दैछन् । 

दसैंमा ‘छ माया छपक्कै’ रिलिज गर्ने निर्माण पक्षले बताएको छ । यो चलचित्रले ‘छक्का पञ्जा’कै दर्शक हलसम्म तान्ने अनुमान गरिएको छ । 

‘दाल भात तरकारी’

‘दाल भात तरकारी’ सुदन केसीले निर्देशन गरिरहेका छन् । सुदनको यो डेब्यू निर्देशन हो । सुदन किरण केसीका छोरा हुन् । मह सञ्चारको ब्यानरमा निर्माण हुने यो चलसचित्रले पनि राम्रो हाइप बटुलिसकेको छ । हरिवंश आचार्य यो चलचित्रमा दिलो ज्यान दिएर लागिरहेका छन् । चलचित्रका गीतसमेत उनैले लेखेका छन् । 

हरिवंश आचार्य, मदनकृष्ण श्रेष्ठ, आँचल शर्मा, पुष्प खड्का, निरुता सिंह लगायतले चलचित्रमा अभिनय गरेका छन् । अमेरिका जाने बढ्दो लहरलाई केन्द्रमा राखेर चलचित्र निर्माण गरिएको छ । निर्माता किरण केसी हुन् ।  

‘रातो टीका निधारमा’

अशोक शर्माले ‘रातो टीका निधारमा’ घोषणा गरिसकेका छन् । सम्राज्ञी आरएल शाहलाई महंगो पारिश्रमिकमा अनुबन्ध गरिसकेका शर्माले यो चलचित्रमार्फत् आफ्ना छोरा अंकित शर्मालाई नेपाली चलचित्र नगरीमा भित्र्याउँदैछन् । ‘रातो टीका निधारमा’ दसैंको सेरोफेरोमा रिलिज हुने उनले बताएका छन् । 

‘दयारानी’

अनुभवी र अब्बल कलाकारको छबी बनाएका माओत्से गुरुङ्गको चलचित्र हो ‘दयारानी’ । यो चलचित्रमा लेखन तथा निर्देशन माओत्से आफैँले गर्दैछन् । महिला चरित्रप्रदान यो चलचित्रमा माओत्सेले दयाहाङ राई र दिया पुनलाई मुख्य भूमिकामा उभ्याउने छन् ।

‘आप्पा’ 
‘आप्पा’ रिलिज पूर्व नै हाइप बनाएको चलचित्र हो । बाबु र छोराको कथा रहेको चलचित्रमा मुख्य भूमिकामा दयाहाङ राई छन् ।  अनमोल गुरुङले ‘आप्पा’ लाई निर्देशन गरेका छन् । यो चलचित्रमा अनुभवी निर्देशक, लेखक तथा कलाकार तुलसी घिमिरेको पनि अभिनय देख्न पाइने छ । 

यो वर्ष निश्चल बस्नेतपनि नयाँ चलचित्र निर्देशन गर्ने तयारीमा छन् । उनी ‘लुट–२’ मा भोगेको आलोचनालाई मत्थर पार्न चहान्छन् । यस्तै ‘पशुपतिप्रसाद’ निर्देशक दीपेन्द्र के खनाल पनि यो वर्ष नयाँ चलचित्र निर्देशन गर्ने सोचमा छन् । बस्नेत र खनाल दुबैले आफ्नो चलचित्रको नाम भने बताएका छैनन् । खनालले ‘पशुपतिप्रसाद’ पछि निर्देशन गरेको ‘धनपति’, ‘लभ लभ लभ’ र ‘चङ्गा चेट’ बाट राम्रो समीक्षा बटुल्न नसकेपछि ‘पशुपतिप्रसाद’ तहकै चलचित्र बनाएर आफूलाई अब्बल निर्देशककै दर्जामा कायम गर्नुपर्ने दबाब छ । त्यही उद्देश्यका साथ उनी यो वर्ष दर्शकमाझ आउने तयारीमा छन् । 
 

प्रतिकृया दिनुहोस

सम्बन्धित समाचार

यी चलचित्र अरु हिँडेको बाटो हिँडेनन्

काठमाडौं । नेपाली चलचित्रले आधा शताब्दी लामो इतिहास बोके पनि प्रयोगका हिसाबले खासै अगाडि बढ्न सकेको छैन । छिमेकीले स्थापित

दर्शक नै मेरा भगवान हुन्, उनीहरुलाई नै खुसी बनाउँछु

झरना थापा नेपाली रजतपटमा २३ वर्षदेखि सक्रिय छिन्, सुरुमा अभिनेत्रीका रुपमा र पछिल्ला दिनमा निर्देशकका रुपमा । अभिनेत्री हुँदा अब्बल

‘बुलबुल’ फेम्ड अभिनेता मुकुनको दसैंमा नयाँ चलचित्र 

काठमाडौं । ‘बुलबुल’ फेम्ड अभिनेता मुकुन भुषाललाई अहिले चलचित्रबाट बाक्लै अफर आरहेका छन् । फागुन ३ गते ‘बुलबुल’ रिलिज भएपछि

प्रधानमन्त्रीले चुनावी सभामा भाषण गरिदिन आग्रह गरे

– नरेश फुयाँल बुधबार साँझ टेलिफोन गर्दा कृष्णा ताम्राकार भन्दै थिइन्, “बाबु कसले रिफर गर्‍यो मसँग कुरा गर्न ? के सोध्नुहुन्छ