काठमाडौं । आइतबारको भूमरीमा ज्यान गुमाएका पीडित परिवारलाई नेपाल कम्युनिस्ट पार्टीले जनही पाँच लाख रुपैयाँ दिने भएको छ । मंगलबार आँधी प्रभावित क्षेत्र बाराको फेटा पुगेका पार्टी अध्यक्ष प्रचण्डले पाँच–पाँच लाख राहत उपलब्ध गराउने घोषणा गरेका हुन् ।
“पार्टीका तर्फबाट पाँच–पाँच लाख राहत रकम उपलब्ध गराउने घोषणा अध्यक्षज्यूले गर्नुभएको छ,” पूर्वप्रधानमन्त्रीसमेत रहेका अध्यक्ष प्रचण्डको भनाइ उद्धृत गर्दै उनका प्रेस संयोजक विष्णु सापकोटाले जानकारी दिए ।