काठमाडौं । महानगरीय प्रहरी प्रभाग नागढुङ्गा र प्रहरी प्रभाग बलम्बुले लागुऔषध सहित पाँच जनालाई पक्राउ गरेको छ । चेकजाँचको क्रममा प्रहरी प्रभाग नागढुङ्गाका प्रहरी निरीक्षक ज्ञानबहादुर खड्का र प्रहरी प्रभाग बलम्बुका प्रहरी निरीक्षक शंकर खड्का नेतृत्वको टोलीले प्रतिबन्धित लागुऔषध सहित पाँच जनालाई पक्राउ गरेको हो ।
सर्लाहीबाट काठमाडौँतर्फ आउँदै गरेको ना ६ ख ९४७६ नम्बरको को यात्रुबाहक बस जाँच गर्दा भारत विहार सितामाडी जिल्ला मेजरगंजका १८ वर्षीय शिव कुमार गुप्तालाई १८०० ट्यावलेट लागु औषध नाईट्राभेट सहित पक्राउ गरिएको हो । प्रहरीका अनुसार चन्द्रागिरी नगरपालिका भकुण्डेचौर स्थित सडक खण्डमा जाँच गर्ने क्रममा कीर्तिपुर नगरपालिका– ६ बस्ने २१ वर्षीय सुजन पौडेल र २२ वर्षीय मिलन राउत पनि ८ए ग्राम गाँजाको धुलो सहित पक्राउ परेका छन् ।
प्रहरीे चेकजाँचकै क्रममा झापाबाट काठमाडौँतर्फ आउँदै गरेको ना ५ ख ४७८५ नम्बरको को यात्रुवाहक बसमा सवार झापा कन्काईका २० वर्षीय सागर विक लागु औषध खैरो हेरोईन ०.५ ग्राम सहित पक्राउ परेको परिसर काठमाडौंले जनाएको छ । यस्तै महेन्द्रनगरबाट काठमाडौँतर्फ आउँदै गरेको ना ६ ख ७४४१ नम्बरको यात्रु बाहक बसमा सवार कैलाली लम्कीका २० वर्षीय ईन्द्र बुढा लागु औषध खैरो हेरोईन ६.५ ग्राम सहित पक्राउ परेका छन् ।