एजेन्सी । वेष्ट इन्डिजका क्रिकेटर क्रिस गेलले विश्वकपपछि एकदिवसीय अन्तराष्ट्रिय क्रिकेटबाट सन्यास लिने घोषणा गरेका छन् । विस्फोटक ब्याट्सम्यानको पहिचान बनाएका ३९ वर्षिय गेलले इंग्ल्याण्ड र वेल्समा हुने विश्वकप क्रिकेटपछि एकदिवसीयबाट विदा हुने घोषणा गरेका हुन् ।
भारतविरुद्ध एकदिवसीय क्रिकेटबाट डेब्यु गरेका बायाँ हाते ब्याट्सम्यान गेलले एकदिवसीय क्रिकेटमा ९ हजार सात सय २७ रन बनाएका छन् । गेल वेष्ट इन्डिजका लागि धेरै रन बनाउने दोस्रो खेलाडी हुन् । सन् १९९९ मा भारतविरुद्धको खेलबाट राष्ट्रिय टिममा डेब्यु गरेका गेल २ सय ८४ खेलमा सहभागि भएका छन् ।
युवा खेलाडीलाई टिममा मौका दिने सोचका साथ सन्यासको योजना बनाएको गेलले बताएका छन् । उनले एकदिवसीय क्रिकेटमा दुई सय १५ रनको उच्च स्कोर बनाएका छन् भने २३ शतक बनाएका छन् ।