साहित्य
नायक कार्की ‘डि सिने अवार्ड’को वेस्ट सपोर्टिङ विधामा नोमिनेशन
काठमाडौं । नायक सुशान्त कार्की ‘डि सिने अवार्ड’को वेस्ट सपोर्टिङ विधामा नोमिनेशनमा परेका छन् । गत वर्ष साउन २२ गते रिलिज भएको ‘चलचित्र सपना तिम्रो मेरो’ बाट कार्की नोमिनेशनमा परेका हुन् ।
उक्त अवार्ड यही साउन २८ गते पोखरामा एक भब्य कार्यक्रमको आयोजना गरि वितरण गरिदैछ । कार्की यो वर्ष ‘तीन घुम्ती’ चलचित्रबाट चर्चामा छन् ।
दर्शकले राम्रै सँग रुचाएको ‘तीन घुम्ती’ मा कार्की रमेशको भूमिकामा छन् ।
कार्कीलाई फापेको विसं. २०७३ मानै उनको चलचित्र ‘सुन्तलीलाई भगाई लग्यो झिल्केले’ पनि यही साउनमा रिलिज हुँदैछ । यो चलचित्र उनले निकै अपेक्षा गरेको चलचित्र हो ।
कार्की यति बेला नायिका सुर्जनी केसीका साथमा चलचित्रको प्रचारप्रसारमा व्यस्त छन् । ऋषी आचार्यको निर्देशन रहेको चलचित्र यही साउन २१ गते रिलिज हुँदैछ । आचार्यले यसअघि ‘मिस्टेक’ र ‘सपना तिम्रो मेरो’ नामक चलचित्र निर्देशन गरिसकेका छन् ।
“गाउँले परिवेशमा आधारित चलचित्र हो ‘सुन्तलीलाई भगाई लग्यो झिल्केले’ चलचित्र निकै राम्रो बनेको छ” नायक कार्कीले भने, “चलचित्रले दर्शकलाई पूर्ण मनोरञ्जन सँगै सांस्कृतिक जानकारी पनि दिनेछ, हेर्नै पर्ने चलचित्र बनेको छ ।”
कार्कीले यो साल तीजका गीतमा समेत मोडलिङ गरेका छन् ।
प्रकाशित मिति: सोमबार, साउन १०, २०७३ १६:१७
प्रतिक्रिया दिनुहोस्