काठमाडौं । नेपाल प्रहरी प्रधानकार्यालयले कञ्चनपुरसहित १२ प्रहरी उपरिक्षक (एसपी)को काज सरुवा गरेको छ । आईजीपी सचिवलायका प्रहरी उपरिक्षक (एसपी) प्रस्तावित वरिष्ठ प्रहरी उपरिक्षक (एसएसपी) रामदत्त जोशीकाअनुसार कञ्चनपुर प्रहरी प्रमुखमा दिनेश आचार्यलाई पठाइएको छ भने दिनेशराज मैनालीलाई जिल्ला प्रहरी कार्यालय झापाको प्रमुखको रुपमा काज सरुवा गरिएको छ ।
जोशीकाअनुसार मुकेश कुमार सिंह मकवानपुर, गोपालचन्द्र भट्टराई सर्लाही, कुवेर कडायत सामाखुसीस्थित पहरा गणमा सरुवा भएका छन् ।
कडायत निर्मला प्रकरणमा तत्कालीन कञ्चनपुर प्रहरीका उपरिक्षक दिल्लीराज विष्ट निलम्बनमा परेपछि कञ्चनपुर गएका थिए । यस्तै बागलुङमा कृष्णहरी शर्मा, योगबहादुर पाल क्षेत्रीय ट्राफिक प्रहरी कार्यालय पथलैया, दीपक खरेल एक नम्बर गण महाराजगन्जमा सरुवा भएका छन् ।
केदार ढकाल महानगरीय अपराध महाशाखामा सरुवा हुँदा रौतहट प्रहरी प्रमुखमा भूपेन्द्र खत्री, प्रहरी प्रशिक्षण प्रतिष्ठानमा दीपक रेग्मी र दंगा नियन्त्रण गण हेटौंडामा ध्रुवराज राउतलाई काज सरुवा गरिएको जोशीले बताए ।
