यसकारण स्वादिलो लाग्दैनन् विमानका खानेकुरा 

यसकारण स्वादिलो लाग्दैनन् विमानका खानेकुरा 

एजेन्सी । अधिकांश यात्रुले विमानको खाना घरमा खाँदाको भन्दा धेरै फरक पाउने गर्दछन् । वास्तवमा न्युन चाप र ह्युमिडिटी (नमी) ले नै उचाइमा पुग्दा हाम्रो जिब्रोको स्वाद थाहा पाउने क्षमतालाई प्रभावित गर्ने गरेको छ । यसमा पनि विशेषगरीे गुलियो वा नुनिलो स्वादमा ३० प्रतिशत फरक आउने गरेको छ । तर तितो, अमिलो र पिरो खाँदा भने खासै फरक नपर्ने बताइन्छ । 
विमानहरुलाई पनि यसबारेमा थाहा पाइरहेको हुँदा उनीहरुले यो समस्याको समाधानकै लागि विशेष रेसिपी प्रयोग गरिरहेका छन् भने मानिसहरुको स्वाद अनुसारको खानेकुरा बढी राख्न थालेका हुन् । जस्तै घरमा हुँदा टमाटरको जुस मन नपराउनेले विमानमा भने स्वादिष्ट मानेर खाने गरेको पाइएको छ । यस्तोमा जर्मनीको सबैभन्दा ठूलो एयरलाइन लफान्साले वार्षिक १८ लाख लिटर टमाटरको जुस उपभोग हुने गरेको बताएको हो । 
त्यसैगरी मदिराको स्वाद पनि विमान भित्रको हावा र चापका कारण फरक हुने गर्दछ । विशेषगरी कम ह्युमिडिटीका कारण यात्रुहरुले आफूले नियमित सेवन गर्ने वाइन विमानमा धेरै तितो र फरक स्वादको पाउने गरेको बताउँछन् । उचाइमा मदिराको एसिडिटी बढ्ने हुनाले नै यस्तो हुने गरेको हो । त्यसैले पनि विमानमा स्याम्पेन कमै प्रयोग गर्ने गरिएको छ । यस्तोमा कतिपय विमानहरुले आफ्नो पेय पदार्थ आफैँ बनाउन सुरु गरेका हुन् । जस्तै २०१७ देखि क्याथे प्यासिफिकले आफ्नै बियरको प्रयोग सुरु गरेको छ जसलाई उचाइँमा यात्रुहरुको फरक स्वादमा केन्द्रित रहेर बनाइएको हो । यसमा बियरको तितोपना हटाउन फलफुल र मह बढी प्रयोग गरिएको बताइएको छ । जुन जमिनमा सेवा गर्दा अत्याधिक गुलियो लाग्न सक्छ तर उचाइमा भने त्यही गुलियोपनाले बियरलाई स्वादिष्ट बनाइदिन्छ ।  – द इकोनोमिस्ट


प्रतिकृया दिनुहोस