विदेश
कोलम्बिया । भेनेजुएलामा मानवीय सहयोगको लागि अमेरिकी मानवीय सहयोगको टोली कोलम्बिया र भेनेजुएलाको सीमा क्षेत्र कुकुटामा पुगेको छ । सहयोग लिएर गएका गाडीहरु अहिले टियान्डीटास पुल नजिक रोकिएको जनाइएको छ ।
सो पुल भेनेजुएलाको सेनाले बन्द गरेको छ । भेनेजुएलाका राष्ट्रपति निकोलस मादुरोको निर्देशन अनुसार सेनाले मानवीय सहयोग भित्र छिर्न नदिएको हो ।
‘अन्तरिम राष्ट्रपति’ जुआन गुआइडोले भने अन्तर्राष्ट्रिय सहयोगको अभावमा धेरै भेनेजुएलाबासी अहिले अप्ठेरोमा परेको बताएका छन् । गुआइडोलाई अहिलेसम्म ४० वटा देशले समर्थन गरेका छन् । मादुरोलाई भने चीन र रसियाको बलियो समर्थन रहेको छ । (बीबीसी)
प्रकाशित मिति: शुक्रबार, माघ २५, २०७५ ०८:५३
प्रतिक्रिया दिनुहोस्