काठमाडौं । अनमोल केसी स्टारर चलचित्र ‘क्याप्टेन’को ट्रेलरले छोटो समयमा धेरै भिवर्स पाएको छ । रिलिजको २४ घण्टामा ८ लाखभन्दा धेरै भिवर्स बटुलेको छ । ट्रेलर शुक्रबार अपरान्ह रिलिज गरिएको थियो । 

ट्रेलरमा अनोमलसहित चलचित्रका अधिकांश कलाकार फिचर्ड छन् । फुटबलमा गोल्ड मेडल जित्ने अठोट बोकेको युवकको कथा समेटिएको चलचित्र ‘क्याप्टेन’मा अनमोल फुटबल खेलाडीको भूमिकामा छन् । अनमोलसँगै अभिनेत्री द्वय उपासना सिंह ठकुरी र प्रियंका एमभी मुख्य भूमिकामा छन् । 

चलचित्रमा सुनिल थापा, प्रशान्त ताम्राकार, सरोज खनाल, विल्सन विक्रम राई, राजाराम पौडेल लगायतका कलाकारको अभिनय छ । फागुन १७ गते रिलिज हुने चलचित्रलाई निर्देशक दीवाकर भट्टराईले निर्देशन गरेका हुन् ।